Kryetari i PD-së, Sali Berisha, bëri të ditur sot gjatë një konference për media, se “Fronti Opozitar i Shpëtimit të Shqipërisë do të punojë fort edhe gjatë verës për t’u përgatitur për betejën më të fuqishme ndaj këtij regjimi dhe shpëtimin e Shqipërisë prej tij.”

“Unë gjej rastin të falënderoj mediat, gazetarët, ju këtu, - tha Berisha, - por edhe kolegët tuaj të cilët bëjnë një punë me guxim të jashtëzakonshëm në denoncimin e përditshëm të aferave të pafundme të kësaj qeverie, të oligarkëve të saj, të ndarjes së parave të këtyre qeveritarëve me klientelën e tyre, duke shfrytëzuar të gjallë dhe të vdekur që s’kanë asnjë lidhje me aferat e tyre.

Nuk janë vetëm rastet e inceneratorëve, si rasti i Gjyste Sermit, i Gurakuqit, i Hajdarit, rasti i Dervishit që është famoz. Edi Rama ka me ish-drejtorin e vet, bashkë me Veliajn, aferat korruptive më të paimagjinueshme.

Merrni listën e punëve që ka kryer ky, nga stadiumi i Elbasanit, stadiumi tjetër, me radhë tek punët në rrugë dhe kudo. Pra, klientela dhe qeveria janë një, në vjedhjen e qytetarëve shqiptarë. Shpëtimi i Shqipërisë prej tyre është absolutisht emergjencë kombëtare”, theksi lideri historik i PD-së.

Sipas denoncimit të fundit të PD bërë sot, “Ave Consulting” është një emër që shumica nuk e ka dëgjuar. Bashkëpronar i saj është Albert Dervishaj, sipas informacioneve të shumta të Partisë Demokratike, një "presta nome" i lidhur me famëkeqin Erion Veliaj."