Qeveria ka vendosur të përcaktojë me një vendim të posaçme rastet e dhënies në përdorim të pyjeve, por dhe ndryshimin e këtyre sipërfaqeve.

Në projektvendim thuhet ndër të tjera se edhe vetë bashkitë do të kenë të drejtë që të ndërhyjnë në këto sipërfaqe duke i kthyer në truall.

Në këtë rast territori që do të shpyllëzohet do të shërbejë për ndërtimin e banesave, vilave apo dhe pallateve shumë katëshe.

Në pikën a të propozuar thuhet se do të lejohet shtrirja territoriale e periferisë së qytetit në zonat rurale.

Ende nuk dihet se cili është argument i këtij propozimi kur thuajse në të gjitha qarqet, veç Tiranës, raportohet për rënie të popullsisë.

“Plazhet e boshatisura”/ Vasili: Dramatike, qeveria po deshton sezonin turistik
Teksa vetëm 7 vite më parë u kërkua moratorium, pra ndalim, i ndërtimeve në kodrat e pyllëzuara.

Një tjetër pikë është dhe lejimi i ndërtimit të strukturave turistike dhe të agroturizmi në zonat që janë të pyllëzuara ndërsa vetëm si pikë e tretë përcaktohet dhe ndërtimi i rrugëve apo hekurudhave.

Një tjetër mundësi për shkuljen e pemëve dhe është dhe lejimi për puset e naftës dhe të gazit, por edhe veprimtaritë minerare dhe gjeologjike si dhe ndërtimi i aeroporteve dhe struktura të telekomunikacionit.

Së fundi parashikohet që shpyllëzimet do të lejohen për qëllime të strukturave ushtarake dhe ndërtimi i qendrave industriale dhe ose energjetike.

Deri më tani këto përcaktime janë në fazën e konsultimit ndërsa më parë do të miratohet në qeveri për tu lejuar vendosja në zbatim