Kur sytë e kombëtareve janë kthyer nga Liga e Kombeve që mund t’i ndihmojë për të fituar një biletë për në Euro2020, UEFA po sheh pak më lart pasi ka filluar të mendojë për Europianin e vitit 2024. Në datën 27 shtator, do të ketë një mbledhje ku do të përcaktohet vendi fitues që do të organizojë këtë kompeticion.
Gjermania dhe Turqia janë shtetet që kanë dorëzuar kandidaturat e tyre në zyrat e UEFA-s pak muaj më parë dhe janë në pritje të vendimit. Ky do të ishte një tjetër organizim i madh për Gjermaninë, pasi në vitin 2006, atje u zhvillua Kupa e Botës, e fituar nga Italia.
Euro2020 do të jetë shumë ndryshe në krahasim me europianët e tjerë, pasi do të mbahet në disa shtete të ndryshme, duke mos pasur një vend fiks. Fituesi i së drejtës për të organizuar Europianin, fiton automatikisht edhe një biletë për në fazën në grupe.
