Shija kërcitëse e fëstëkëve dhe shija kremoze e çokollatës janë sekreti që fshihet në këtë ëmbëlsirë. Mund të shoqërohet me pana të rrahur ose me akullore. Më poshtë ke recetën, të cilën ne jemi të bindur që do ta mësosh përmendësh
Përbërësit
250 g çokollatë e zezë e copëtuar
50 g fëstëkë pa kripë
5 lugë rum
250 g gjalpë
6 vezë
125 g sheqer
60 g miell
1/2 zarfi pluhur pjekës
150 g çokollatë e zezë e pacopëtuar
20 cl pana
Përgatitja:
Ngrohe furrën në 180 gradë, lyej me gjalpë një formë keku dhe mbushe fundin me fëskëtë. Shkri çokollatën dhe gjalpin në mikrovalë ose në banjëmari. Rrih të verdhat e vezëve me sheqerin derisa të zbardhen, shto miellin, pluhurin pjekës, rumin, çokollatën me gjalpin dhe në fund të bardhat e vezëve, pasi t’i kesh rrahur më parë. Hidhe masën tek forma dhe piqe në furrë për 30 minuta. Hiqe dhe lëre të ftohet. Për kremin e çokollatës, ziej panën, hidhe mbi çokollatën e grirë dhe shto pak gjalpë. Përzieje. Përhape mbi ëmbëlsirë dhe më pas prije dhe shërbeje.
