Këngëtarja Rihanna ka thënë se nuk mund të ishte më shumë krenare pasi u emërua ambasadore nga qeveria e Barbados.

Artistja, emri i së cilës është Robyn Rihanna Fenty, u emërua "Ambasadore e Jashtëzakonshëm dhe Fuqiplotë" në vendin e saj të lindjes.

Roli i Rihannës përfshin promovimin e arsimit, turizmit dhe investimeve.

Kryeministrja Mia Amor Mottley tha se ishte e nderuar ti jepte titullin këngëtares.

"Rihanna ka një dashuri të thellë për këtë vend dhe kjo reflektohet në filantropinë e saj, veçanërisht në fushën e shëndetësisë dhe arsimit. Ajo gjithashtu tregon patriotizmin e saj në mënyrën se si i jep këtij vendi dhe vazhdon të thesarizojë ishullin si shtëpinë e saj,"-tha kryeministrja në një deklaratë.

"Ajo gjithashtu ka demonstruar, përtej suksesit të saj si një ikonë e pop-it, kreativitet dhe shkathtësi në biznes. Prandaj është e përshtatshme që ne të angazhohemi dhe ta fuqizojmë atë për të luajtur një rol më definues ndërsa punojmë për transformimin e Barbados."

Rihanna është një nga këngëtarët më të pëlqyera të të gjitha kohërave, me 250 milionë albume të shitura në nivel global.

Ajo ka pasur sukses si aktore dhe stiliste, gjithashtu edhe në fushën e biznesit.