Tre adoleshentë kanë mbetur të plagosur në një aksident rrugor në aksin Fier-Kraps.
Ngjarja ka ndodhur rreth orës 17:00, në vendin e quajtur “Kraps", ku shtetasi A.A, 15 vjeç, duke drejtuar mjetin tip “Renault”, ka humbur kontrollin dhe ka dalë nga rruga, duke u rrëzuar nga 10 metra lartësi.
Për pasojë kanë mbetur të dëmtuar drejtuesi i mjetit dhe pasagjerët, shtetasit K.A, 15 vjeç dhe A.A, 15 vjeç, të tre banues në Kraps.
15-vjeçari A.A mësohet se e kishte marrë automjetin pa dijeninë e prindërve.
Tre të plagosurit janë transportuar në spitalin rajonal Fier për mjekim dhe mësohet se ndodhen jashtë rrezikut.
Grupi hetimor po kryen veprimet proceduriale dhe po punon për zbardhjen e plotë të rrethanave të ngjarjes.
