Një nga sallatat më pranverore që sjell freski ne tavolinat tuaja.
E lehtë për tu përgatitur dhe shumë e shendetshme.
Kjo sallatë nuk duhet të mungojë në menutë tuaja.
Përbërësit:
- 2 duar plot me rukola
- 1 dorë domate-qershi ose domate normale
- ½ kupë thjerrëza të pagatuara, që kur gatuhen bëhen pak a shumë 2/3 kupa
- 2lugë gjelle vaj ulliri
- 1lugë gjelle aceto-balsamike
- Arra të copëtuara
Përgatitja:
Lërini thjerrzat në ujë për rreth dy orë. Kjo ndihmon që të gatuhen më shpejtë. Derdhni ujin ku keni lënë thjerrzat, shtoni ujë të freskët, pak kripë dhe zijeni derisa thjerrëzat të zbuten, por ende të ruajnë formën.
Ndërkohë që thjerrzat ziejnë, pastroni rukolën dhe vendoseni në enën që do shërbeni sallatën. Pastroni dhe prisni domatet dhe shtojini dhe ato tek rukola. Pasi thjerrëzat janë zierë, lëreni pak minuta të ftohen e më pas shtojini në sallatë. Shtoni arrat, kripë, piper dhe në fund përzierjen e vajit të ullirit me aceton balsamike. Përziejeni mirë sallatën dhe shijojeni.