Në një lidhje direkte me Çim Peka Live në SYRI TV, bashkëpunëtorja e ish-presidentit amerikan Regan dhe njëkohësisht bashkëpunëtore e ish-presidentit Donald Trump, Michele Roosevelt Edwards, anëtare e Koalicionit Kombëtar Konservator në mbështetje të Partisë Republikane dhe Kryetare e Bordit e Institutit për Qeverisje të Mirë, është pyetur në lidhje me vizitat e përmuajshme të Aleks Soros në Shqipëri dhe qëllimet e takimit të tij me Edi Ramën dhe Erion Veliaj,

Sipas, Roosevelt ‘këto takime specifike me zyrtarë politikë të nivelit të lartë apo me të zgjedhur të nivelit të lartë por kur paraja dhe politika ngatërrohen sëbashku, nuk mund të ketë më parashikime pozitive’.

‘Në Shqipëri siç po e thoni ju, që jeni me një popullsi të vogël, kur shikon PBB dhe kur vjen një organizatë që ka burime të jashtëzakonshme që pothuajse të barabarta me PBB e një shteti kjo kërkon një shqyrtim të kujdesshëm për shkak të ndikimit negativ dhe shqetësimeve që do vijnë për shkak të kësaj ndërhyrje’, u shpreh bashkëpunëtorja e Trump. 

Biseda në studio:

Peka: A e keni ju ndonje ide se çfarë rëndësie ka Shqipëria për një multimiliardier si Aleks Soros i cili çdo muaj është në këtë vend dhe çdo muaj nuk largohet nga Shqipëria pa kaluar një muaj pushime me Edi Ramën dhe Erion Veliaj. Pse është kaq e rëndësishme Shqipëria për Aleks Soros?

Roosevelt: Nuk kam një optikë të takimeve të tyre, për këto takime specifike me zyrtarë politikë të nivelit të lartë apo me të zgjedhur të nivelit të lartë por kur paraja dhe politika ngatërrohen sëbashku, nuk mund të ketë më parashikime pozitive. Është tjetër gjë kur e viziton një vend për qëllime pozitive apo për qëllime filantropiste, por ndryshe kur ti e viziton vendin për qëllime të ndryshme që nuk kanë lidhje me mbështetje humanitare apo kulturore. Këtë e shohim edhe në SHBA dhe në vende të tjera.

Në Shqipëri siç po e thoni ju, që jeni me një popullsi të vogël, kur shikon PBB dhe kur vjen një organizatë që ka burime të jashtëzakonshme që pothuajse të barabarta me PBB e një shteti kjo kërkon një shqyrtim të kujdesshëm për shkak të ndikimit negativ dhe shqetësimeve që do vijnë për shkak të kësaj ndërhyrje.

Pyetja juaj është e drejtë që ngrini dhe përse ndodh kështu? Nqs unë do të punoja si gazetare do të bëja të njëjtën pyetje.