“Pesë nga bashkëqytetarët tanë kanë vdekur në 24 orët e fundit”, tha Tsiodoras. Rastet e konfirmuara në Greqi tani janë 1,212, me 56 raste të tjera të reja. Mosha mesatare e vdekjeve ka qenë  71 vjeç. Gjithsej 32 janë burra dhe mbi 90% e atyre që kanë humbur jetën kanë pasur sëmundje themelore.

Deri më tani, 72 pacientë janë shtruar në spital , 14 prej të cilëve janë gra dhe pjesa tjetër janë burra, bën me dije Tsiodoras, zëdhënësi të Ministrisë së Shëndetësisë për koronavirus dhe Profesor i Sëmundjeve Infektive.

Mosha mesatare e pacientëve të ndodhur në trajtim spitalor është 65 vjeç dhe mbi gjysma kanë sëmundje themelore. Ndërkohë që 5 pacientë janë larguar nga ICU. Deri më tani, në Greqi janë kryer 15.961 teste laboratorike.