Atentat në qendër të Himarës. Po ecte me bashkëshorten, ekzekutohet me 5 plumba biznesmeni i njohur

Saturday, 17 October 2020 10:11

 

Vritet me armë zjarri ndërtuesi në Himarë
Një ngjarje e rëndë ka ndodhur mëngjesin e sotëm në Himarë, ku është ekzekutuar me armë zjarri biznesmeni Niko Goro.

Mësohet se biznesmeni është qëlluar me pesë plumba nga një person me kapuç dhe maskë.

 

Biznesmeni Goro ka qenë duke lëvizur me bashkëshorten e tij, kur atentatori i është afruar dhe e ka qëlluar disa herë.

Ka qenë një goditje e përqendruar, që tregon se objektiv ka qenë vetëm biznesmeni. Niko Goro ishte një sipërmarrës i njohur në Himarë, pasi kishte një bar-restorant dhe një hotel.

Policia e Shtetit ka dhënë një informacion paraprak për ngjarjen e rëndë që tronditi Himarën mëngjesin e sotëm, ku mbeti i vrarë biznesmeni Niko Goro. Policia konfirmon gjithashtu se e plagosur ka mbetur motra e tij, e cila është jashtë rrezikut për jetën. Mësohet se Niko Goro është djali i xhaxhait të djalit të kryetarit të bashkisë, Gjergji Goro.

Himarë/Informacion paraprak

Më datë 17.10.2020, rreth orës 08.55 minuta në vendin e quajtur rrethrrotullimi që të çon në lagjen Spille, Himarë, nga një person ende i pa identifikuar është vrarë me armë zjarri shtetasi N.G, 51 vjeç. Si pasojë është plagosur lehtë në këmbë edhe shtetasja E. Q., 57 vjeçe, jashtë rrezikut për jetën.

Shërbimet e Policisë kanë shkuar menjëherë në vendngjarje, janë ngritur pika kontrolli në aksin rrugor Himarë – Borsh e Himarë – Vlorë dhe vijon krehja e zonës.

Në ndihmë të Policisë Vendore janë nisur forcat Operacionale dhe Shqiponjat e DVP Vlorë.

Në vendngjarje ka shkuar grupi hetimor dhe nën drejtimin e Prokurorisë po vijon puna për zbardhjen e rrethanave të ngjarjes, identifikimin dhe kapjen e autorit/

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Takimi në Elbasan, Kërpaçi: LSI, çdo ditë pranë të rinjve për t’i dhënë zë problemeve të tyre

Politikë

Takimi në Elbasan, Kërpaçi: LSI, çdo ditë pranë të rinjve për t’i dhënë zë problemeve të tyre

  Kryetarja e forumit rinor të Lëvizjes Socialiste për Integrim, Floida Kërpaçi duke marrë shkas nga takimi i sotëm i kryetares Monika Kryemadhi me të rinjtë e LRI-së në Elbasan, shprehet...

Tabaku publikon videon: Shkatërrimi i shkollës “Sami Frashëri” një vend krimi, e gjitha u bë pa projekt

Politikë

Tabaku publikon videon: Shkatërrimi i shkollës “Sami Frashëri” një vend krimi, e gjitha u bë pa projekt

  Ish-deputetja e PD-së Jorida Tabaku, me anë të një postimi në “Facebook” ka publikuar një video, duke u shprehur se këto janë pamje nga vendi i krimit, ku u shemb...

Mësuesja humbi jetën nga Covid, vdes edhe vëllai. Në 2013 i vranë djalin

Kronikë

Mësuesja humbi jetën nga Covid, vdes edhe vëllai. Në 2013 i vranë djalin

  Ditën e sotme mediat njoftuan për humbjen e jetës së mësues, Irena Bajlozi, në Përrenjas. Por sikur të mos mjaftonte kjo humbje, familja Bajlozi është goditur nga një tjetër tragjedi...