Sasia prej 500 kg drogë e kapur në Mal të Zi në kamionin me bimë medicinale mbetet “jetime”. Zbardhet dëshmia e shoferit dhe pronarit të ngarkesës

E Enjte, 20 Janar 2022 19:43

Drejtuesi i kamionit ku u kap sasia prej 500 kg drogë e llojit marijuanë në Malin e Zi ka deklaruar se nuk kishte dijeni mbi praninë e lëndës narkotike, e cila u nis nga Shqipëria dhe u kap nga Policia e Shtetit fqinj.


Kamioni ku është gjetur lënda narkotike ka udhëtuar përmes Shqipërisë dhe rezulton të jetë marrë me qira nga një fermer i bimëve medicinale nga Elbasani.

Automjeti ka kaluar nga Tirana në Elbasan ku është ngarkuar me bimë medicinale dhe më pas është nisur drejt Malit të Zi me destinacion final Gjermaninë.

Mirëpo në doganën e Hanit të Hotit gjatë kontrollit me skaner autoritetet malazeze gjetën brenda tij përveç ngarkesës së bimëve medicinale edhe një sasi prej 500 kilogramë lëndë narkotike e llojit kanabis sativa. Informacioni është bërë zyrtar nga Policia e Malit të Zi për Policinë shqiptare.

DËSHMIA

Ndërkohë shoferi i arrestuar, Pëllumb Çupi ka deklaruar se ai nuk ka pasur dijeni lidhur me drogën që ndodhej në kamion dhe se ka qenë thjeshtë në rolin e shoferit për të transportuar drejt Gjermanisë ngarkesën me bimët medicinale.

Policia vendore e Shkodrës ka marrë në pyetje edhe pronarin e bimëve medicinale në Elbasan, i cili edhe ai ka mohuar që të ketë lidhje me drogën e gjetur në kamion.

Pronari është shprehur duke thënë se ai thjeshtë ka ngarkuar në kamion bimët medicinal dhe se nuk ka dijeni se çfarë ka ndodhur më pas apo se si është futur sasia e drogës prej 500 kilogramë brenda kamionit.

OPERACIONI

Sekuestrimi i sasisë së madhe të drogës u bë mëngjesin e 15 janarit në dalje të pikës së kalimit kufitar të Hanit të Hotit.

Oficerët e Drejtorisë së Policisë së Malit të Zi (UP) dhe Drejtorisë së të Ardhurave dhe Doganave (UPC) konfiskuan sasinë prej 500 kilogramë marijuanë dhe 20 kilogramë hashash, ndërsa përfundoi në pranga 38- vjeçari shqiptar.

Sipas deklaratës së Policisë malazeze, në kamionin me targa shqiptare, mes mallrave të tjera (bimë medicinale) u gjetën marijuanë dhe drogë hashash. Kamioni i është afruar pikës kufitare natën e 14 janarit, kur një qen policie i trajnuar për të gjetur lëndë narkotike ka shënuar ngarkesën në fjalë.

“Në orët e hershme të mëngjesit, oficerët e Policisë dhe doganave kontrolluan ngarkesën dhe gjetën 80 thasë me marijuanë dhe hashash me një peshë totale rreth 520 kilogramë”, thuhet në deklaratë.

Kamioni me ngarkesën e deklaruar si bimë mjekësore po largohej nga Shqipëria dhe duhej të vazhdonte rrugën drejt vendeve të Bashkimit Europian, duke kaluar transit përmes Malit të Zi, me destinacion përfundimtar Gjermaninë.

Login to post comments

Lajmet e fundit

“Rithemelimi” padit kryetarin e Gjykatës së Tiranës

Politikë

“Rithemelimi” padit kryetarin e Gjykatës së Tiranës

  Komisioni i Rithemelimit ka ngritur padi ndaj kryetarit të Gjykatës së rrethit Gjyqësor Tiranë, Flamur Kapllanit dhe kancelarit Donald Xhelili. Rithemelimi akuzon zyrtarët për “Shpërdorim detyre”. “Në vijim të qëndrimit të bërë...

Tallja me Alibeajn/ Analistët: Fitoi të drejtën që ia jep Kushtetuta

Politikë

Tallja me Alibeajn/ Analistët: Fitoi të drejtën që ia jep Kushtetuta

  Enkelejd Alibeaj vazhdoi farsën presidenciale një ditë më parë, duke arritur kulmin pasi deklaroi se kishte arritur një marrëveshje. E ashtuquajtura marrëveshje, parashikon që opozita të propozojë kandidatë në raundet humbëse...

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

Politikë

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

17 maji i 2017 e polli sot këlyshin e 18 majit ose incenerator-marreveshjen Balla Alibeaj! Ne fund te estrades se këlyshit te 18 majit, Rripi i pantallonave te Rames do te...