Përbërësit:
100 gr gjalpë
100 gr çokollatë
2 kokrra vezë
75 gr sheqer Teuta (½ gotë)
2 lgj kakao
1 lç pluhur pjekës
Sheqer vanilje Teuta
1 gotë + 1 lgj miell Teuta
½ gotë sheqer pluhur Teuta
Shënim: njësia matëse- gotë 150 gr
Në një tigan të thellë shkrijmë gjalpin. Më pas e largojmë gjalpin nga zjarri dhe shtojmë çokollatën e copëtuar. Në një tas rrahim 2 kokrra vezë me ½ gotë sheqer. I rrahim mirë derisa sheqeri të shkrijë, më pas shtojmë gjalpin dhe çokollatën e shkrirë dhe i trazojmë.
Trazojmë miellin me kakaon, me sheqerin vanilje dhe pluhurin pjekës dhe i kalojmë në sitë së bashku duke i shtuar tek tasi me vezë dhe çokollatë. E trazojmë burimin me një spatul derisa të krijohet një masë homogjene jo shumë e fortë. E vendosim tasin me brumë në frigorifer për 1 orë.
Pasi brumi të jetë ngurtësuar pak formojmë sfera sa një arrë të madhe, i rrotullojmë ato në sheqer pluhur dhe i vendosim në një tepsi ku kemi shtruar një letër pjekje. I vendosim biskotat në furrë në temperaturën 180 gradë Celsius për 15 minuta.