Një aksident ka ndodhur ditën e sotme në aksin rrugor Korçë-Bilisht, në afërsi të fshatit Belorta.
Policia bën me dije se mjeti tip "Nissan" me targa KO 9732 B, ka dalë nga rruga dhe për pasojë është dëmtuar drejtuesi i mjetit P.D, 50 vjeç, banues në Lavdar dhe bashkëshortja e tij V.D, 48 vjeçe, pasagjere në mjet.
Ata janë transportuar në Spitalin e Korçës për mjekim, ku ndodhen jashtë rrezikut për jetën.
Grupi hetimor po punon për zbardhjen e rrethanave të ngjarjes dhe për të përcaktuar shkaqet e aksidentit. /55News.al/
