Dy persona janë shpallur në kërkim nga Policia e Vlorës për atentatin me vdekje të dy netëve më parë, ndërsa janë vënë në pranga edhe ty të tjerë, të cilët kanë ndihmuar autorët në kryerjen e këtij krimi.
Në një konferencë për media, drejtori i policisë së qytetit bregdetar u shpreh se është zbardhur dinamika dhe janë identifikuar autorët e dyshuar.
Autoret e dyshuar te shpallur ne kërkim janë:
E.A., 31 vjeç, lindur në Tepelenë dhe banues në Vlorë;
A.C., 28 vjeç, lindur në Tepelenë dhe banues në Vlorë.
Ka qenë drejtori i Policisë së Vlorës Gentian Shehaj ai që ka bërë publike detajet për mediat.
Janë arrestuar dy persona që kanë qenë bashkëpunëtorë:
Nekid Arapi, 21 vjeç, banues në Vlorë,
Amarildo Grembi (Muka), 28 vjeç, banues në Vlorë.
Por deri tani, policia nuk ka dhënë asnjë version zyrtar mbi arsyet e kësaj ngjarje.
