Për një familje shqiptare në Itali ka ndodhur tragjedia. Vajza e tyre e mitur ka ndërruar jetë në rrethana ende të paqarta. Ngjarja e rëndë ka ndodhur mbrëmjen e djeshme rreth orës 22:00. 5-vjeçarja ndërroi jetë në Messina të italisë, teksa ishte në një festë për fëmijë shkuhet në “Il mattino”. Në mediat italiane raportohet se vogëlushja me baba shqiptar dhe nënë italiane, ishte duke luajtur me fëmijët e tjerë teksa është ndjerë keq papritur.
Ndonëse u dërgua me urgjencë në spital, ajo nuk mundi të mbijetonte, ndërsa ndërroi jetë në poliklinikën e Messinës. Policia dhe prokuroria po hetojnë rreth këtij rasti. Ndërkohë, mjekët thanë se shkak i vdekjes mund të ketë qenë një shok anafilaktike ose një aneurizëm. Megjithatë, pritet të dalë edhe autopsia, për të përcaktuar shkaqet e vdekjes së saj.
