Një ngjarje e rëndë është regjistruar sot në Shkodër, ku një punëtor ka rënë nga lartësia dhe për pasojë ka gjetur vdekjen. Incidenti ndodhi në lagjen ‘Guerrile’. Bëhet fjalë për shtetasin me inicialet Xh.C., 61 vjeç. Policia e Shkodrës ka arrestuar supervizorin e ndërtimit, Kolë Pohja, pasi ishte i paliçensuar.

Njoftimi i policisë:

Më datë 12.04.2018, nga Seksioni për hetimin dhe parandalimin e Krimeve në Komisariatin e Policisë Shkodër u arrestua në flagrancë shtetasi: Kolë Pohja, 63 vjeç, banues në lagjen Perash, Shkodër. Arrestimi i tij u bë pasi me detyrë supervizor ndertimesh i paliçensuar, gjatë punimeve në një objekt tre katësh në lagjen “Guerrile” Shkodër, është rrëzuar nga kati i dytë duke punuar shtetasi Xh. C. 61 vjeç, banues në lagjen Guerrile, i cili ka gjetur vdekjen.

Materialet iu referuan Prokurorisë Pranë Gjykatës së Rrethit Gjyqësor Shkodër për veprat penale “Punësimi i paligjshëm”, “Fshehja e të ardhurave” dhe “Shkelja e rregullave dhe mbrojtjes në punë”, parashikuar nga nenet 170/a, 180 dhe 289 të Kodit Penal.