Një automjet tip ‘Benz’ është përplasur me një autobus pasditen e kësaj të premte në qytetin e Librazhdit.

Si pasojë është rrezikuar autobusi me 25 pasagjerë i cili kishte destinacion qytetin e Elbasanit, kjo përplasje ka ndodhur në momentin që autobusi po dilte nga terminali.

Për pasojë e këtij aksidenti ka mbetur i plagosur një nga të rinjtë që po udhëtonte në mjetin ‘Benz’, por pas dërgimit në spitalin e Librazhdit mësohet se ndodhet jashtë rrezikut për jetën.

Policia nisi hetimet për verifikimin e shkaqeve paraprake të aksidentit, ndërsa paraprakisht dyshohet se shkak është bërë humbja e kontrollit të drejtuesit te mjetit ‘Benz’, stimuluar edhe nga reshjet intensive te shiut që prekën gjatë pasdites qytetin e Librazhdit.