Dy persona janë arrestuar nga autoritetet në Fier, pasi në këmbim të parave u mundësonin refugjatëve të paligjshëm kalimin e kufirit.

Personat e vënë në pranga janë Shahe Koko, 23 vjeç dhe Hamdi Seferi, 18 vjeç, të dy banues në Gjirokastër.

Njoftimi i Policisë së Fierit:

Nga Specialistët e Sektorit për Hetimin e Krimeve në Drejtorinë Vendore të Policisë Fier, u finalizua  operacioni policor i koduar “Premtimi”.

Si rezultat i këtij operacioni u ndaluan shtetasit:

Shahe Koko, 23 vjeç.

Hamdi Seferi, 18 vjeç, të dy banues në Gjirokastër.

Ndalimi i këtyre shtetasve u bë pasi në bashkëpunim me njeri tjetrin i kanë dhënë ndihmë për kalimin e paligjshëm të kufirit nëpërmjet pikës kufitare Kakavijë dhe transportimin kundrejt shumës 1.200 euro për të kaluar transit në Itali 4 shtetasve pakistanezë.

Materialet i kaluan Prokurorisë pranë Gjykatës së Shkallës së Parë Fier për veprën penale "Ndihmë për kalim të paligjshëm të kufirit" parashikuar nga Neni 298 i Kodit Penal.