Me ardhjen e verës rëndohet gjendja e njerëzve që kanë probleme të shëndetit mendor.

Mjekët tregojnë arsyet që çojnë në keqësimin e gjendjes së pacientëve me rritjen e temperaturave.

Sipas tyre, për shkak të djersitjes së madhe, të humbjes së lëngjeve, ka një përqendrim më të madh të medikameteve në organizëm dhe i krijojnë lodhje e këputje njerëzve me probleme mendore dhe tendenca e tyre është që të ndërpresin mjekimin.

Numri i vizitave në një ditë shkon edhe 30 për një mjek. Ata shpjegojnë se streset në punë, streset në familje, problemet ekonomike çojnë në shtimin e numrit të pacientëve me probleme mendore.

Por mbi të gjitha evidentohet fakti që shqiptarët bëhen doktorë të njëri-tjetrit. E kanë më të lehtë të shkojnë te hoxha sesa te psikiatri.

Problem tjetër që vihet re është mjekimi nga farmacistët që japin medikamente pa kriter.