Sot artistët kanë zgjedhur një mënyrë ndryshe për të protestuar kundër iniciativës së qeverisë për prishjen e godinës së Tetarit Kombëtar. Një panel diskutimi është ngjitur në miniskenën e aktorëve të vendosur në sheshin e Tetarit. Mendimin e tyre po e thonë Mark Marku dhe Agron Gjekmarkaj.

“Një hajdutëri i e pastër, dhe një goditje që i jepet artit. Nëse ky teatër shembet, i bie që është kryer një përdhunim publik që është bërë në sy të të gjithëve. Qeveria duhet ta mbronte ta subvenciononte.  Nëse shoqëria e fiton këtë betejë do të thotë se është ftuar një beteje me demokracinë dhe  me standardet e tjera”, u shpreh Agron Gjekmarkaj.