Një aksident i rëndë rrugor ka ndodhur ditën e sotme në aksin Elbasan-ish Kombinati Metalurgjik, dhe për pasojë dy persona kanë mbetur të plagosur. Një makinë është përplasur kokë më kokë me një autobot karburantesh.

Dyshohet se makina ka qenë në parakalim në momentin që është përfshirë në aksident.

Ndërsa automjeti tjetër, megjithëse ka frenuar, nuk ka mundur të evitojë përplasjen e fortë, nga e cila autovetura është shkatërruar pothuajse plotësisht.

Paraprakisht burime nga vendngjarja raportuan për të paktën dy të plagosur

Ndërkaq forca të shumta policie ndodhen në vendin ku ndodhi ngjarja, për të përcaktuar shkaqet dhe rrethanat e aksidentit, si dhe po punojnë për disiplinimin e trafikut i cili u bllokua përkohësisht.