Hetimet e Policisë së Shtetit dhe të Prokurorisë lidhur me hetimin e origjinës së 3.4 milionë eurove të bllokuara në portin e Durrësit pritet të shtrihen jashtë territorit të Shqipërisë.

Policia ka shkëmbyer informacione me agjencitë homologe belge dhe italiane për të zbuluar më shumë detaje rreth kësaj ngjarje. Një fakt i tillë u pohua nga burime të policisë. Sipas tyre, një informacion i detajuar policor i është nisur policisë belge. Mësohet se Policia Shqiptare kërkon të dijë me saktësi vendin ku janë ngarkuar makinat në Belgjikë, që më pas udhëtuan drejt Gjermanisë, Italisë dhe më pas mbërritën në Shqipëri.

Dyshohet se veç kushërinjve Vladi, në emër të të cilëve ishin “Toyota”-a me 3.5 milionë euro, mund të ketë edhe persona të tjerë të përfshirë në histori. Hetuesit po verifikojnë disa emra, të cilët dyshohet se kanë njohje me kushërinjtë Elvis dhe Alfred Vladi. Këta të fundit janë tashmë në listën e të kërkuarve të Policisë së Shtetit.