Një 52 vjeçar nga Dukagjini është sulmuar me tritol nga dy shtetas. Nën mjetin e tij tip ‘Varinksi’ që e kishte të parkuar në fshatin Bruçaj në zonën e Dukagjinit është vendosur sasi e madhe tritoli.

Fatmirësisht mjeti ndodhej i parkuar dhe në momentin e shpërthimit të eksplozivit nuk ndodhej askush brenda tij.

Policia ka arritur të identifikojë autorët e kësaj ngjarje, të cilët janë shtetasit E. K., dhe R. K., 38 dhe 50 vjeç të cilët dyshohen si autor të kësaj ngjarje.

Pas identifikimin forcat e policisë po punojnë për gjetjen dhe kapjen e dy autorëve të dyshuar për vendosjen e eksplozivit në mjetin e shtetasit Gj. G., 52 vjeç.

Policia po punon për zbardhjen e plotë të ngjarjes së ndodhur në Bruçaj duke qenë se ende janë të paqarta arsyet e vendosjes së tritolit.

Njoftimi i Policisë Shkodrës:

Më datë 03.07.2018, u referuan materialet në Prokurorinë pranë Gjykatës së Shkallës së Parë Shkodër, për shtetasit E.K., dhe R.K., vjeç 38 e 50, banues në Shkodër, pasi dyshohet se në fshatin Bruçaj, i kanë dëmtuar me lëndë eksplozive mjetin e punës tip “Varinksi”, shtetasit Gj.G., vjeç 52, banues në Shkodër. Punohet për kapjen e E.K., dhe R.K. Nenet 152 e 278 të Kodit Penal.