E diela ka bërë që shumë kryeqytetas të nisen drejt Durrësit, për të shfrytëzuar kohën e mirë, pas disa ditëve me shi dhe vranësira.

Po duket se ky fluks lëvizjesh, ka krijuar dhe vështirësi në qarkullim, ku në orët e paradites janë vënë re radhë kilometrike të mjeteve.

Po ashtu mësohet se në pak metra, në këtë aks rrugor janë shënuar dy aksidente, fatmirësisht pa pasoja të rënda, duke u evidentuar vetëm dëme materiale.

Me përfundimin e ndërhyrjeve në këtë aks rrugor, dhe hyrjen zyrtarisht në verë, e diela është kthyer vërtet në një ditë mjaft të ngarkuar për qarkullimin e mjeteve.