Policia italiane në Potenza ka arrestuar një shqiptar të Maqedonisë pasi akuzohet për terrorizëm.

Shqiptari i arrestuar është 29-vjeçarin Agim Miftarov.

Gjatë kontrollit të shtëpisë së tij në orët e para të ditës së sotme, u gjetën disa drone, ndërsa në celular përveç videove me propagandë xhihadiste, u gjetën disa kërkime mbi teknika stërvitjeje të pavarur, sidomos për përdorimin e dronëve me armë.

Ndërsa në profilin e tij në Facebook, rezultoi se kishte fotografi me armë dhe informacione lidhur me aktivitetin e të ashtuquajturit shtet islamik, ISIS. Po ashtu kishte video lidhur me përdorimin e armëve të luftës.

Nga hetimet e kryera rezultoi se Miftarov donte të linte Italinë. Ai bënte një jetë vetmitari, stërvitej në një zonë pyjore, ndërsa jetonte në një apartament në Tolfa, provincë e Viterbo.

Hetuesit zbuluan gjithashtu se 29-vjeçari ka tentuar në disa raste të blejë armë online.

Gjithashtu në rrjetet sociale kishte rreth 4 mijë kontakte të lidhura me botën ekstremiste të ISIS.