Artistë shoqëria civile dhe qytetarë kanë vijuar sërish sot protestën për mbrojtjen e Teatrit Kombëtar.

Qindra protestues marshuan në fillim para godinës së Kryeministrisë dhe më pas para Presidencës ku i bënë thirrje Presidentit Meta për mosdekretimin e ligjit i cili sanksionon shembjen e godinës së Teatrit Kombëtar.

Protesta është shoqëruar edhe me reagime në rrjetet sociale nga ana e protagonistëve të saj.

Aktori i humorit Julian Deda u ka bërë thirrje qytetarëve që të ngrihen në këmbë për të mbrojtur Teatrin nga “kafshimi i lubive”.

Postimi i plotë i Julian Dedës

“Sot ishim me shume se dje dhe me pak se neser.

Te gjithe ne kembe per te mbrojtur Teatrin nga kafshimi i lubive.”