Policia e Vlorës ka vënë në pranga ditën e sotme një shumëtëkëruar në Itali.

Në njoftimin shpërndarë për mediat nga policia e Vlorës, bëhet me dije se në pranga është vënë Maks Merkaj, 52 vjeç, banues në lagjen “10 Korriku”, Vlorë.

Njoftimi i Policisë:

Strukturat Policore të Seksionit për Hetimin e Trafiqeve dhe Narkotikëve në Drejtorinë Vendore të Policisë Vlorë, në vijim të punës për kapjen dhe ndalimin e shtetasve të shpallur në kërkim ndërkombëtar dhe vënien e tyre para drejtësisë kanë organizuar një operacion policor të koduar ''Blic''.

Si rezultat i operacionit është bërë e mundur kapja dhe arrestimi i përkohshëm me qëllim ekstradimi drejt Italisë të shtetasit të shpallur në kërkim ndërkombëtar, konkretisht shtetasit:

Maks Merkaj, 52 vjeç, banues në lagjen “10 Korriku”, Vlorë.

Këtë shtetas Gjykata e Assizes Venecia, Itali, me vendimin nr. 1/2001 R.G.C.Ass, datë 10.04.2011, e ka dënuar me 17 vite burgim, mbetur për të vuajtur edhe 14 vite, për veprat penale “Organizatë kriminale'', ''Pengmarrje'', ''Marrëdhenie seksuale me dhunë'' dhe ''Shfrytezim prostitucioni”, parashikuar nga nenet 61,81,110,519,600,605 të Kodit Penal Italian.

Interpol Tirana po vijon procedurat e mëtejshme për ekstradimin e këtij shtetasi drejtim drejtësisë Italiane.