Policia e Dibrës ka bërë me dije ditën e sotme se ka arrestuar një 52-vjeçar pasi është kapur me një sasi të madhe tritoli.

Siç thuhet në njoftimin e shpërndarë për mediat, në pranga është vënë Njazi Pilafi, 52 vjeç, banues në Peshkopi.

Arrestimi i tij është bërë nga policia pasi gjatë kontrollit të ushtruar në magazinën e lokalit të tij në qytetin e Peshkopisë, iu gjetën të fshehura dhe iu sekuestruan në cilësinë e provës materiale : 

7 copë kallëpe me lëndë plasëse (me nga 400 gram secila, gjithsej 2 kilogramë e 800 gramë)

58 copë kapsolla detonatore.

Si dhe rreth 4 metër fitil zjarrpërcjellës.