Avokati i njohur shqiptar, Ilia Ilia, është dhunuar nga persona ende të panjohur, teksa ndodhej para Gjykatës së Durrësit.
Sipas dëshmisë së tij, avokati tha se personat që ai nuk i njihte, i kanë dalë para rrugës dhe e kanë pyetur: “Ti je Ilia Ilia?!”, - pasi i thashë po, ata më qëlluan, - rrëfeu ai.
Avokati Ilia Ilia sapo kishte përfunduar një seancë në gjykatë, kur është dhunuar. Ai thotë se nuk i njeh personat dhunues, por ngre dyshime se e gjitha mund të ketë ndodhur në emër të Arjan Ndojit. Ai kishte pasur një debat të fortë me të, një ditë më parë në sallën e gjyqit. “Pas debatit, Ndoji më kërcënoi”, tha avokati. Ai shtoi se pasi të marrë mjekim në spital nga goditjet e marra, do të shkojë në polici për të bërë denoncimin.
Dyshohet se avokati është dhunuar për shkak të detyrës, ndërsa policia po punon për identifikimin dhe identifikimin dhe kapjen e autorëve.
Ilia Ilia avokat i njohur, ka pasur çështje të rëndësishme, ka mbrojtur grupin e Shijakut dhe ka qenë edhe avokat i Lul Berishës.