Ka qenë telefonata e një qytetari që ka vënë në lëvizje policinë dhe ka ka shmangur vjedhjen e një banese, ndërsa në pranga ra një prej autorëve dhe një tjetër u shpall në kërkim nga uniformat blu.
Ngjarja ka ndodhur mbrëmjen e djeshme në një fshat të Pogradecit, Rëmenj, kur një qytetar telefonoi policinë mbrëmjen e së premtes rreth orës 21:00 duke deklaruar se dy persona po tentonin të vidhnin banesën e fqinjit të tij. Falë reagimit në kohë të Policisë u arrestua në flagrancë njëri prej autorëve, ndërsa bashkëpunëtori tjetër i tij mundi të largohet.