Elmas Haruni kryetari i PD-së së Gramshit, u shpreh sot se sjella e efektiveve të policisë ishte “shume provokative dhe me shumë stres përtej çdo ekstremi njerëzor”, gjë që e bëri, siç ai pohon, të dalë nga vetja.

Ai ka kërkuar ndjese publike për fjalorin e përdorur gjatë ndalimit nga policia të premten.

Ai theksoi se “na moren edhe celesat e makines dhe ne mes te nje vape shkaterruese, na mbyllen brenda makines me te vetmin synim qe na lodhnim fizikisht dhe psikologjikisht, sikurse edhe duket ne videon e shperndare ne te gjithe rrjetet sociale (jo nga policia), ku gjithsesi duhet te theksoje qe kishte kaluar mbi gjysem ore torture psikologjike”.

Ja postimi i plotë i kreut të PD-së Gramsh

“Te dashur miq, shok dhe kolege. Me duhej nje kohe per te reaguar nga ngjarja e stisur diten e premte ku une po udhetoja me nje bashkepuntorin tim. Ishte nje ngjarje shume provokative dhe me shume stres pertej cdo ekstremi njerezor. Policia ndaloi makinen, sikur kishte marre sinjale per kanabis apo droge, ndaj dy arsimtareve pa asnje arsye, pervec faktit qe kishim mbyllur nje aktiv te PD. Ne akoma nuk na eshte mbyllur e drejta e aktiviteteve politike.

Sikur te mos te mos mjaftonte e gjithe kjo skene, per ta shtuar dozen e provokimit, na moren edhe celesat e makines dhe ne mes te nje vape shkaterruese, na mbyllen brenda makines me te vetmin synim qe na lodhnim fizikisht dhe psikologjikisht, sikurse edhe duket ne videon e shperndare ne te gjithe rrjetet sociale (jo nga policia), ku gjithsesi duhet te theksoje qe kishte kaluar mbi gjysem ore torture psikologjike”, shkruan kreu i PD Gramsh në një status në Facebook.

“Doja ti tregoja keto, per te treguar gjendjen emocionale dhe psikologjike, nen te cilen une dola nga vetja duke perdorur fjalor per te cilen nuk ndjehem mire dhe do te doja qe tju kerkoja ndjese te gjithe shokeve, miqeve, kolegeve dhe vecanerisht nxenesve te mi”,shton ai.