Një person është arrestuar nga policia në Memaliaj, pasi akuzohet se ka plagosur me thikë babë e bir në mal.

I arrestuari është 26-vjeçari Bledar Salaj, banues në fshatin Drizdar të Mallakstrës pasi për motive të dobëta ka goditur me thikë A.M 50 vjeç dhe K.M, 20 vjeç, banues në Memaliaj.

Babë e bir janë dërguar në spital për trajtim mjekësor.

Informacion paraprak

Nga Specialistët për Hetimin e Krimit në Stacionin e Policisë Memaliaj, u bë arrestimi i shtetasit:

Bledar Salaj, 26 vjeç, banues në Drizdar – Mallakastër.

Ky shtetas dyshohet se rreth orës 16: 30, në kullotat e fshatit ” Buzkalemaj” , pas një konflikti për motive të dobëta, ka goditur me mjet prerës shtetasit A.M 50 vjeç dhe K.M, 20 vjeç,(babë e bir), banues në Memaliaj, të cilët janë transportuar në spital ku ndodhen jashtë rrezikut për jetën.

Menjëherë porsa ka marrë informacionin, nga forcat policore është organizuar puna operacionale dhe në kohë rekord është kapur në pyllin e fshatit ” Buzkalemaj” autori i ngjarjes.

Kjo ndërhyrje në kohë rekord e policisë , ka bërë të mundur parandalimin e përshkallëzimit të një konflikti të mëtejshëm mes të afërmve të palëve, pasi autori kishte ardhur nga Fshati Drizar i Mallakastrës me bagëti në kullotat e fshatit Buzkalemaj.

Materialet do ti kalojnë Prokurorisë pranë Gjykatës së Shkallës së Parë Gjirokastër , për veprime të mëtejshme për veprën penale “Vrasje në rrethana të tjera cilësuese kundër dy ose me shumë personave’ e mbetur në tentativë”, parashikuar nga neni 79/dh e 22 të Kodit Penal.