Policia e Tiranës ka bërë me dije informacionet e para lidhur me të shtënat me armë të dëgjuar mëngjesin e ditës së sotme në rrugën “Vath Koreshi”.

Siç bëhet me dije nga njoftimi i policisë së shtetit, një person me iniciale K. K., për shkak të një konflikti për motive të dobëta me një tjetër shtetas ka gjuajtur dy herë në ajër me një pistoletë zhurmuese, dhe më pas është larguar nga vendngjarja.

Në vendngjarje janë gjetur dhe sekuestruar në cilësinë e provës materiale dy gëzhoja të qitura nga pistoletë zhurmuese.

Blutë e Tiranës bëjnë me dije se po punohet për kapjen e K. K., dhe sqarim të mëtejshëm të rrethanave të ngjarjes.