Rektori, Mynyr Koni, ka ftuar maturantët që të vendosin të parin në zgjedhjen e tyre Universitetin e Tiranës. Koni tha se kriteret dhe tarifat e studimit nuk kanë pësuar ndryshime dhe mbeten të njëjta me një vit më parë.
Më 30 korrik, maturantët do të përzgjedhin programet e studimit në portalin u-albania.
Në këtë fazë më rëndësi është njohja me kriteret e Universiteteve, ku ata synojnë të ndjekin studimet e larta.
Rektori i Universitetit të Tiranës, Mynyr Koni, tha se kriteret për institucionin që ai drejton mbeten po ato të vitit 2017.
Mynyr Koni: Në thelb është vlerësimi i punës së studentit gjatë periudhës tre vjeçare, janë rezultatet e marra në provimin e maturës shtetërore si dhe grup-lëndë sipas programeve të ndryshme të studimit.Ka specifika të veçanta në programe për të cilat maturantët duhet të konsultohen me këto kritere që tashmë janë bërë publike në portalin u-albania, në faqen zyrtare të Universitetit të Tiranës, në rrjete sociale.
Janë rreth 6200 kuota në dispozicion të studentëve.
Mynyr Koni: Këto kuota ndahen në 5545 kuota për shtetasit shqiptarë për të cilët aplikimi fillon ditën e hënë me datë 30 dhe janë të ndarë pataj me kategori të veçanta ku kemi 179 kuota, për shtetasit e huaj 41 kuota, për shqiptarët nga trojet Kosova, Mali i Zi, Presheva, Maqedonia 179 kuota, kemi 170 kuota për transferime dhe 97 kuota për program të dytë.
Rektori Koni dha edhe një këshillë për të gjithë maturantët.
Mynyr Koni: Të bëjnë përzgjedhjen e parë në formularin e tyre për shkak se Universiteti i Tiranës ofron një cilësi të lartë shërbimi në infrastrukturë, në staf akademik, mobilitete të ndryshme duke u garantuar atyre që diploma të jetë një diplomë dinjitoze jo vetëm në tregun kombëtar por edhe atë ndërkombëtar.
Mynyr Koni theksoi po ashtu se as tarifat e studimit nuk do të pësojnë ndryshime edhe këtë vit ato do ta variojnë nga 25 deri më 40 mijë.
Në datën 23 gusht do të shpallen rezultatet e fazës së parë së pranimeve në Universitet për të vijuar më pas me fazat e tjera.