Dy persona u arrestuan nga Policia e Elbasanit pasi u kapën me 500 gramë heroinë, të cilën dyshohet se do ta tregtonin në doza.
Në një operacion të koduar “Muzgu”, policia arrestoi Arjan Canin 49 vjeç nga Berati dhe Arshim Pilinçin 27 vjeç nga Podgoria e Korçës.
Në aksin rrugor Qafë Thanë-Elbasan, dy të arrestuarit po udhëtonin me automjetet e tyre, ku Arshim Pilinçi kontrollonte rrugën.
Arjan Canit ju gjet 505 gramë Heroinë. Gjithashtu u sekuestruan edhe dy aparate celular dhe dy automjete në pronësi të të arrestuarve.
Nga hetimet e kryera deri më tani, rezulton se në bashkëpunim me njëri-tjetrin po transportonin sasinë e lëndës narkotike për të shitur në doza të vogla në qytetin e Elbasanit.
“Vazhdojnë hetimet për identifikimin e bashkëpunëtorëve të tjerë të përfshirë në këtë aktivitet kriminal”, thotë policia në një njoftim zyrtar.