Policia e Krujës ka arritur të arrestojë një 41 vjeçar, pasi ishte shpallur në kërkim kombëtar për vrasje të mbetur në tentativë. Siç raporton policia bëhet fjalë për Besim Hysa, banues në Krujë.
Hysa më datë 26 shkurt 2018 në Cudhi ka tentuar të vrasë me armë zjarri shtetasin G.H. 22 vjeç.
Gjykata e Rrethit Gjyqësor Krujë vendosi masën e sigurisë ” Arrest me burg” në ngarkim të shtetasit të mësipërm për veprat penale “Vrasje me dashje” e mbetur në tentativë dhe “Prodhimi dhe mbajtja pa leje e armëve luftarake dhe e municionit”.
Materialet i kaluan Prokurorisë së Rrethit Gjyqësor Krujë për veprime të mëtejshme.
