Një banesë është përfshirë nga flakët mbrëmjen e sotme (22 gusht). Ngjarja ka ndodhur në lagjen numër 2 në Durrës dhe fatmirësisht nuk ka persona të lënduar.

Burime nga policia bëjnë të ditur se bëhet fjalë për një banesë një katëshe, ndërkohë që banorë të banesave u alarmuan për shkak të rrezikut së përhapjes së flakëve.

Në vendin e ngjarjes mbërritën menjëherë dy automjete zjarrëfikëse që bënë të mundur shuarjen e flakëve. Ndërsa po punohet për zbardhjen e shkaqeve të zjarrit.