Dobësitë në grumbullimin e të ardhurave të ardhurave këtë vit kanë rritur presionin mbi frenimin e shpenzimeve si mënyra e vetme për të mbajtur në kontroll borxhin publik.

Në muajin korrik shpenzimet e përgjithshme buxhetore shënuan ulje 1 për qind në raport me faktin e vitit të kaluar, teksa ishin -6.7 për qind më pak se plani i periudhës.
Rënia e shpenzimeve të përgjithshme buxhetore në muajin korrik, çoi në ritme ulta rritje te shpenzimeve te 7 mujorit të cilat ishin 2.2% për qind më të larta se fakti.
Qeveria po tregohet konservatorë në shpenzime, teksa në fund të 7 mujorit të ardhurat ishin 65 milionë euro më pak se plani.
Më krahasim me vitin e kaluar kursime të forta afërsisht 11 milionë euro janë bërë në fondet e mbrojtjes sociale.  Fondet  e harxhuara për pagesën e papunësisë ishin -15 % më të ulta se një vit më parë.  Këto kursime u krijuan nga ndryshimet që qeveria bëri në kriteret për përfitimin e pagesës në lidhje. Me tre vite sigurime merre vetëm 6 muaj pagesë papunësie.
Shpenzimet më të ulta se vitin e kaluar janë bërë edhe në pagesën e ndihmës ekonomike, fondet për të cilën ishin 1.4% më pak se 7-mujori 2016.
Gjithashtu shpenzimet për shpërblimin e të ish të përndjekurve politike në këtë 7 -mujor ishin mbi 1 miliardë lekë më të ulta se në vitin e kaluar.
Qeveria ka shtrënguar edhe rubinetin për kompensimin e ish pronarëve. Shpenzimet për këtë kategori ishin 53 për qind më pak se plani i 7 mujorit dhe 62% më të ulta se fakti i vitit të kaluar.
Qeveria kishte planifikuar për të shpenzuar 2.9 miliardë ndaj ish-pronarëve në 7 mujor, por ka dhënë vetëm 1.3 miliardë lekë.
Shpenzime më të ulta në krahasim më një vit më parë vijnë në shpenzimet për interesa. Forcimi i monedhës vendase ndaj euros ka favorizuar uljen e shpenzimeve për pagesat e interesave të borxhit të jashtëm.
Shpenzimet në këtë zë në 7 mujorin e 2018 ishin 3 % më të ulta se një vit më parë dhe 20 për qind më ulta se plani i periudhës.