Bilanci i frikshëm/ Në gusht vdiqën 21 njerëz në rrugët e Shqipërisë, 78 të tjerë mbetën të plagosur

Saturday, 01 September 2018 10:57

Muaji gusht është dominuar nga aksidente të shumta në rrugët e vendit. Politiko raporton se janë të paktën 21 persona që kanë mbetur të vdekur si pasojë e aksidenteve në rrugë, ndërsa 78 persona të tjerë kanë mbetur të plagosur. Këto shifra bazohen vetëm në ngjarjet që janë raportuar në media përgjatë këtij muaji.

Shumica e aksidenteve, sipas policisë, kanë ndodhur për shkak të humbjes së kontrollit të mjeteve nga drejtuesit, parakalimeve të gabuara apo shpejtësisë së lartë. Gjithsesi, në Shqipëri nuk ekziston pothuajse asnjë rrugë që të plotëson standardet e kërkuara, me përjashtim të ndonjë rasti, çka do të pakësonte dëmet në njerëz në rast aksidentesh.

Në 31 ditët e gushtit, vetëm në gjashtë prej tyre media nuk ka raportuar për aksidente.

Ditë më e zezë e këtij muaji ka qenë 2 gushti, kur në Shkodër, Peshkopi, Kavajë dhe Bulqizë kanë humbur jetën katër persona dhe kanë mbetur të plagosur tre të tjerë. Edhe më 22 gusht ka patur një bilanc të zi me tre të vdekur në Lezhë dhe Fier, si dhe tre të plagosur.

Një tjetër ngjarje që tronditi opinionin publik ishte aksidenti i 8 gushtit në Kamëz, ku një vajzë 7 vjeçe dhe një djalë 29 vjeç humbën jetën pasi u përplasën nga një makinë. Nëna dhe motra e vajzës që ndërroi jetë, mbetën gjithashtu të plagosura.

Ndërkohë që më 27 gusht është raportuar për 15 të plagosur në dy aksidente në zonën e Librazhdit, por fatmirësisht pa asnjë viktimë.

Fieri, Tirana dhe Elbasani janë zonat ku është regjistruar edhe numri më i madh i aksidenteve gjatë këtij muaji.

1 gusht 2018

Fier – 1 i vdekur

Tiranë – 1 i plagosur

Elbasan – 1 i plagosur

2 gusht

Shkodër – 1 i vdekur

Peshkopi – 1 i vdekur dhe 1 i plagosur

Kavajë – 1 i vdekur dhe 1 i plagosur

Bulqizë – 1 i vdekur dhe 1 i plagosur

3 gusht