Janë bërë publike detaje të reja lidhur me vrasjen e mesditës së sotme në Shkodër, ku 30-vjeçari Arjan Ferracaku u qëllua për vdekje me një armë automatike teksa po kryente hipizëm (xhiro në kalë).

Burime për Report Tv, bëjnë me dije, se autorët e vrasjes kanë qenë të pamaskuar. Ata e kanë pritur viktimën dhe dy personat e tjerë që po e shoqëronin në zonën e Livadhës.

Autorët e kanë qëlluar 30-vjeçarin me breshëri automatiku, duke mos kursyer as dy personat e tjerë që po e shoqëronin, të cilët kanë mundur t’iu shpëtojnë plumbave pasi janë larguar. Sipas burimeve, dy personat që shoqëronin Ferracakun i kanë njohur autorët e vrasjes.

Arjan Ferracaku ishte pronar  një hoteli në zonën e Velipojës dhe baba I dy fëmijëve.