Në orën 4 të mëngjesit dje në qytetin e Vlorës u dogj një makinë, për të cilën policia dyshonte që ishte zjarrvënie e qëllimshme.
Për këtë krim nga policia është vënë pranga një 41 vjeçar. Nga forcat e policisë është arrestuar Shkëlqim Hoxha pasi dyshohet se i ka vënë flaken makinës në pronësi të Seit Seitajt.
Njoftimi i policisë për ngjarjen:
Policia zbardh ngjarjen e djegies së qëllimshme të një automjeti në orët e para të mëngjezit të datës 03.09.2018 në Vlorë
Kapet dhe arrestohet autori i dyshuar i zjarrvënies.
Seksioni për Krimet pranë Komisariatit të Policisë Vlorë, pas ngjarjes së djeshme ku më datë 03.09.2018, në orën 04:00, në lagjen "24 Maji" u përfshi nga flakët automjeti tip "Toyota" me targa AA 660 RJ në pronësi të shtetasit S.S, menjëherë pas hetimeve të kryera u bë e mundur zbulimi, identifikimi dhe ndalimi i shtetasit:
- Shkëlqim Hoxha, 41 vjeç, banues në Vlorë, i cili dyshohet ta ketë kryer këtë vepër penale në mënyrë të qëllimshme.
Materialet iu referuan Prokurorisë për veprën penale "Shkatërrimi i pronës me zjarr", parashikuar nga neni 151 i Kodit Penal.