Nisi shpërndarja e librave falas në gjithë shkollat. Prindërit e nxënësve nga klasa e parë në të katërtën, kanë mundësi ti marrin tekstet pranë institucioneve ku kanë regjistruar fëmijët, ndërsa pjesa tjetër do ti blejnë ato në pikat e përcaktuara pranë shkollave. Sipas Rozalba Merdanit Përgjegjëse pranë MASR. Librat që do të jepen falas, do të rikthehen pas mbarimit të vitit shkollor të padëmtuar, në të kundërt prindi do ta paguaj atë.
Mësuesit janë ata që do të kenë nën monitorim të vazhdueshëm nxënësit gjatë punimit me tekstet dhe në fund do të vendosin nëse është i ripërdorshëm apo jo.
Ndërsa kryeministri Edi Rama i shoqëruar nga ministrja e arsimit Lindita Nikolla, ka zgjedhur një familje në kryeqytet për ti dorëzuar personalisht tekstet falas fëmijëve. Rama bëri apel për shmangien e vonesave dhe problemeve.
Sipas udhëzimit nga MASR, Librat falas do të qëndrojnë në qarkullim deri në tre vite. Ndërsa mësuesit shprehen se ruajtja nga dëmtimi është e vështirë. Ndërkohë mësohet se për ata prindër të cilët dëshirojnë ti blejnë që në fillim librat për fëmijët e kanë mundësi ti gjejnë ato në treg.