Policia ka arrestuar dy të rinj, pasi ata akuzohen se kanë dhunuar dy persona të tjerë.
Të arrestuarit janë Rruzhdi Rushiti, 24 vjeç, banues në Bulqizë dhe Dritan Tançi, 20 vjeç.
Sipas bardhëebluve, të rinjtë kanë goditur me sende të forta një 40 dhe një 51-vjeçar, në Bulqizë. Po ashtu ata akuzohen se kanë thyer edhe xhamat e një lokali.
“Rruzhdi Rushiti, 24 vjeç, banues në Bulqizë dhe Dritan Tançi, 20 vjeç, banues në Tiranë akuzohen se në bashkëpunim me njëri-tjetrin kanë goditur me sende të forta shtetasit me inicialet R.N, 40 vjeç, dhe A.M, 51 vjeç, duke u shkaktuar dëmtime të lehta.
Gjithashtu ata kanë dëmtuar duke thyer xhamat e lokalit në pronësi të shtetasit M.D., 54 vjeç.
Materialet proceduriale do t’i referohen Prokurorisë Pranë Gjykatës së Shkallës së Parë Dibër për veprat penale “Plagosje e lehtë me dashje”, “Shkatërrim prone”, kryer në bashkëpunim.”, njofton policia.