Edhe pse kanë kaluar më shumë se 12 orë nga operacioni i shtetrrethimit të fshatit Nikël, policia nuk ka folur mbi ngjarjen. Zyra e shtypit e cila njofton gazetarët për çdo aksion edhe me ato qesharaket për filmimin e këmbësorëve në kryqëzim, sot nuk u ndje pavarësisht se janë shoqëruar 11 persona.
Burime pranë prokurorisë së Durrësit thonë se ende nuk ka ndonjë mandat arresti për të shoqëruarit, dhe kjo tregon se operacioni i policisë është thjesht show.
Ky është rast i përsëritur i dështimit me operacionet spektakolare të policisë. Policia u ka sekuestruar të ndaluarve vetëm disa vlera monetare dhe një automjet të blinduar që nuk përbën ndonjë vepër penale.
Kujtojmë pak ditë më parë u arrestuan ën Shkodër disa persona dhe gjykata zhvlerësoi arrestimet.