Është mbajtur konferenca e përvitshme e Apple për prezantimin e modeleve të reja të iPhone dhe të produkteve të tjera të reja të kompanisë nga Kalifornia.

Ky telefon, sipas shefit të kompanisë, Tim Cook, është telefoni më i avancuar që ka krijuar ndonjëherë Apple. Përveçse në ueb-sajtin zyrtar të Apple, konferencën e prezantimit të modeleve të reja iPhone mund ta ndiqni edhe në Twitter.

Pamje nga prezantimi i modeleve të reja të IPhone
Nëpërmjet një ‘cicërime’, Apple ka bërë të ditur se do të keni mundësi të ndiqni konferencën e sotme direkt nga rrjeti social. Ndërsa në llogarinë zyrtare në Twitter të Apple, do të publikohen imazhe të ngjarjes.

Po ashtu është prezantuar edhe ora më të re që quhet “Series 4”, dhe ka 30 për qind ekran më të madh se paraardhësi i saj. Kjo është krijuar nga kristali qeramikë dhe safire. Me modelin e ridizajnuar ajo do të jetë dy herë më e shpejtë.

Kjo orë mban një çip që detekton kur një person rrëzohet, dhe ajo mund të bëjë një thirrje emergjente, pasi të jetë detektuar rrëzimi i personit. “Series 4” gjithashtu mund të detektojë rrahjet e çrregullta të zemrës dhe rrahjet e ulëta të zemrës.