Policia në Durrës ka arrestuar 28-vjeçarin Admir Koleci, banues në Manëz pasi së bashku me dy të tjerë plagosi me mjete të forta 55-vjeçaren Qesfere Koleci për shkaqe pronësie.

Ndërkohë ende në kërkim janë M.K. 61 vjeç dhe A.K. 32 vjeç. 55 vjeçarja Qefserja Koleci u plagos me mjete të forta. Familjarët e saj më herët gjatë ditës së sotme treguan për ‘Fax Neës’ se konflikti për pronën pronën ka 5 vite që vazhdon.

Gjithë sherri ka nisur për një parcelë të mbjellë me ullinj, në pronësi të tyren dhe të autorëve të plagosjes, ku  INUK  ka  ndërhyrë duke hapur rrugë  dhe shkulur disa rrënjë ullinj. Sipas familjarëve të gruas ata disponojnë dokumentet e pronësisë.

“Konflikti ka nisur që dje pasdite, është hapur rruga me policinë. Të gjitha dokumentat janë në prokurori në  Ministri. Mehdiu merret  me drogë, kanë bërë masakra në pyjet e Lumit të Madh. Në Prokurorinë e Rrethit Durrës e ka mbajtur në burg 5 vjet. Të gjitha dosjet e mija janë të mbyllura”, tha Xhavit Koleci bashkëshorti i gruas së plagosur.