Është identifikuar shqiptari i vrarë dje në Itali, pas një grabitje që ndodhi rreth orës 4:00 të mëngjesit.

Një bandë grabitësish vodhën një dyqan duhani në rrugën ‘Cairoli’ në Ponte Felcino.

Ata ikën në bordin e një ‘Audi’ me cigare dhe kartela lotarish.

Gjatë ndjekjes, roja e objektit mbeti i dëmtuar nga makina e autorëve. Pak momente më vonë, karabinierët u futën në aksion për arrestimin e tyre.

Gjatë ndjekjes, pati të shtëna me armë, ku një nga grabitësit mbeti i vdekur.

Gjatë ditës së sotme mediat italiane kanë zbuluar edhe emrin e shqiptarit që ka mbetur i vrarë.

Bëhet fjalë për shqiptarin e identifikuar si Eduart Kozi.

Por për këtë ngjarje kanë nisur hetimet ndaj karabinierëve italianë. Sipas medias, ata dyshohen se kanë tejkaluar kompetencat e tyre dhe kanë vrarë në mënyrë të vullnetshme të riun shqiptar.

Pas vrasjes së Kozit, shqiptarët e tjerë kanë braktisur makinën me viktimën brenda në ‘Via Radiosa’.

Si pasojë e të shtënave, ‘Audi’ kishte dritaren e pasme të shkatërruar, ndërsa në pjesën e bagazhit u gjetën kutitë e grabitura me cigare.

Brenda mjetit nuk u gjetën armë zjarri.