Policia e Tiranës ka dhënë informacionin e parë zyrtar të detajuar për vrasjen mbrëmë në prnë zonës së ish-bllokut, viktime e të cilit mbeti Fabjol Gaxha, truprojë e Ervis Martinaj, por që fillimisht u dha me emër viktime Rigers Gaxha, i cili është vëllai i Fabjolit.
Kjo ngatërresë u bë pasi Fabjol Gaxha mbate me vete kartën e identitetit të vëllait Rigersit, pasi vet ishte person që kërkohej nga policia për vepra të ndryshme penale. Të plagosur mbeten Ervis Martiaj dhe i plagosuri i dytë, Eljon Hato, i cili njihej dhe me emrin Leart Hasa përdorte dy emra.
Të dy janë arrestuar nga policia në spital ku po kurohen në spital pas plagëve të marra. Kjo pasi janë përfshirë në përleshje me armë me të paktën 3 persona, të cilin janë shpallur në kërkim nga policia.
Njëri prej tyre është Ervin M. I cili mësohet të jetë i dashuri i një prej këngëtareve më të njohura, Elvana Gjatës. Gjithë konflikti i armatosur ka ndodhur në ambientet e një lokali në Rrugën Ibrahim Rrugova tek zona e ish-bllokut.
Gjithashtu në njoftimin e policisë është bërë me dije se janë konfiskuar në cilësinë e provës materiale : armë zjarri tip “Glock”, 11 gëzhoja, 10 000 euro, tre automjete, aparate celular.
Njoftimi i policise:
Arrestohen në flagrancë dy të plagosurit dhe shpallen në kërkim tre të tjerë. Sekuestrohen në cilësinë e provës materiale armë zjarri “Glock”, gëzhoja, shumë në euro, automjete e aparate celular.
Grupi i posaçëm hetimor i përbërë nga Specialistë të Taks Forcës Qëndrore, Specialistë të Policisë së Shtetit, Specialistë të Hetimit të Krimeve ndaj jetës dhe pronës në Drejtorinë Vendore të Policisë Tiranë, nën drejtimin e një grupi Prokurorësh të Prokurorisë së Rrethit Gjyqësor Tiranë, bënë arrestimin në flagrancë të shtetasve :
– Ervis Martinaj, 36 vjeç, banues në Tiranë
– Eljon Hato, 28 vjeç, banues në Shkodër
Si dhe u shpallën në kërkim shtetasit :
– E. M., 31 vjeç, banues në Tiranë–
F. A., 42 vjeç, banues në Tiranë–
M. B., 41 vjeç, banues në Tiranë
Këta shtetas mbrëmjen e djeshme në rrugën “Ibrahim Rugova”, janë konfliktuar në ambientet e brendshme të një lokali duke qëlluar me armë zjarri në drejtim të njëri – tjetrit, ku si pasojë e të shtënave mbeti i vrarë shtetasi F. G., dhe u plagosën shtetasit E. M., dhe E. H., të cilët ndodhen në spital nën kujdesin e mjekëve.Janë sekuestruar në cilësinë e provës materiale :
– armë zjarri tip “Glock”
– 11 gëzhoja
– 10 000 euro
– tre automjete
– aparate celular
Materialet iu referuan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprat penale “Vrasje në rrethana të tjera cilësuese, kundër dy ose më shumë personave e kryer në bashkëpunim” dhe “Prodhim dhe mbajtja pa leje e armëve dhe e municionit luftarak”, të parashikuar nga nenet 79/dh-25, 278 të Kodit Penal.
