Komisioni i Pavarur i Kualifikimit vendosi shkarkimin nga detyra të gjykatësit Sotiraq Lubonja. Ai ishte gjyqtar në Gjykatën e Apelit të Korçës.

Gjyqtari doli para Komisionit më 3 Totor. Ai rezultoi i pastër sa i përket figurës dhe aftësive profesionale, por KPK cilësoi të pajustifikuar vlerën e ndërtimit të një banesës së tij 2-katëshe në qytetin e Korçës dhe shfaqi rezerva për një dhuratë 4 milionë lekë nga nëna e tij, si edhe disa dhurata monetare të bëra nga vjehrri dhe vjehrra tek dy djemtë e tij.

Lubonja sqaroi se paratë e dhëna nga nëna ishin kursimet e gjithë familjes. Për shumat e dhuruara nga vjehrri, gjyqtari tha se prej vitesh ata jetojnë në SHBA dhe se pensionet e tyre në Shqipëri ua kanë dhuruar nipërve. Por kërkesa e tij për konfirmim në detyrë nuk u prit mirë nga dy denoncues, që ndoqën seancën.