Një vrasje me armë zjarri është regjistruar mbrëmjen e sotme në Lushnjë. Ngjarja në fjalë ka ndodhur para pak minutash në fshatin Shegas.
Viktimë e sulmit ka mbetur Qemal Alla, 41 vjeç. Krimi ka ndodhur para banesës së Allës, ndërkohë që nuk dihen ende detajet rreth ngjarjes në fjalë.
Mësohet se drejt vendit të ngjarjes janë nisur forcat e policisë së Lushnjës dhe FNSH. Ndërkohë, raportohet se policia ka ngritur pika kontrolli dhe po bën krehjen e zonës për identifikimin dhe kapjen e autorit/ve të ngjarjes.
